Gli soll e neui S-Bahn-Haltestell im Öpfelsee entstoh, 

d'Fuessgänger und d'Velofahrer solle e Unterfüehrig becho.

​

E Tunnel für d'Passante isch e Muss,

aber au no eine für d'Velofahrer, nei, dört isch denn Schluss.

​

D'Unterfüehrig die bruchts, drum het me's debattiert,

doch bim Abstimme hend sie's denn grad abserviert.

​

Me muess abstiige und s'Velo schiebe, ohni Wenn und Aber,

wie am Bahnhof Dornach, dort klappt's au ohni viel Palaber.

​

Dr Waggis rieft: „Schiebe? Vergiss es, wirdi nit mache,

denn nimmi e andere Wääg, die sind doch nit ganz Bache!“

​

Dr Waggis schnaubt, dr Zorn isch gross,

jetzt fahrt er halt direkt uf de Gleis, statt uf dr Stross!